香港人實在太識得討價還價作為消費者當然會覺得越平越好

2019-04-21 11:30:31 編輯：來源：

導讀香港人實在太識得討價還價，作為消費者，當然會覺得越平越好，最好免費，但同時就剝削咗另一班人應該有慨嘢，好似依家好多人買樓賣樓都鐘意

香港人實在太識得討價還價，作為消費者，當然會覺得越平越好，最好免費，但同時就剝削咗另一班人應該有慨嘢，好似依家好多人買樓賣樓都鐘意叫人減傭或要回傭，搞到班靠傭金維生慨代理鬼殺咁嘈。

其實要求代理減傭，或者買新樓時叫代理回傭，好似變成系一件好合情合理慨事，早排甚至有專家喺網上教人傾回傭，連地監局都出咗一段短片，提及所謂的優惠及回贈，被人話官方教人回傭，兩單嘢都搞到班代理群起反抗。

鬼咩，本身班代理底薪低到不得了，就系要靠食傭金先發達，你公然教人回傭即系斷人米路，實嘈你啦。

有啲人又真系有啲過份慨，早排同個豪宅經紀傾開，佢話做咗單生意，成億銀，理論上買賣雙方各畀1%傭，加埋應該有200萬，拆返俾公司后自己大約袋40到50萬左右，都算唔錯啦，始終成億銀慨買賣，一個豪宅代理一年都未必有一單，平時都系做嚇租頂住嚇。

不過呢，成億一單慨成交，好多時班業主同買家都唔會畀足傭，好似上面單刁，買賣雙方都只系肯俾0.5%傭，個代理就白白收少一半。咁問渠系咪好慘，佢話，都未算啊，豪宅客肯畀半只算好啦，有啲只系肯俾0.3%;有啲恃住自己貨多慨所謂大業主或者炒家，直頭唔肯畀傭，覺得我畀生意你做已經系益咗你啦，你收人哋傭就得啦，有時遇著同其他行家合作，又少一半，外區同主區合作又跌啲，跌嚇跌嚇好似都無乜得剩。

講到呢度，筆者忽然明白點解自己撈到今時今日都無發達，因為唔夠孤寒啰，我成日都覺得人哋幫你做咗嘢就應該畀錢，系天經地義，最多叫人平少少，劈人七成傭或者完全唔畀，我就真系做唔出，人哋都要養家都要食飯，你買得成億樓身家都絕對唔會少啦，幾十萬可能飲幾支酒都無咗啦，咁點解要搞到人做完嘢得唔到應得慨報酬呢，所以筆者都覺得大家要取得個平衡點。

標簽：越平越好