大型港資慨樓盤同樣要睇承建商特別系一啲有多個發展商合作慨項目

2019-04-21 11:33:35 編輯：來源：

導讀幾年好多中資發展商喺香港賣樓，仲要唔系細盤，除咗交通、設計、會所、價錢、間隔、校網之外，有無諗過物業質素會系點呢?好多時渠哋喺香港

幾年好多中資發展商喺香港賣樓，仲要唔系細盤，除咗交通、設計、會所、價錢、間隔、校網之外，有無諗過物業質素會系點呢?好多時渠哋喺香港慨項目唔多，點樣先知道渠哋建筑質素呢?

好多時買樓花，交樓質素估估嚇，但都可以用嗰個發展商過往賣過同級數慨樓盤做參考，而如果要買一個從來無喺香港賣過樓慨發展商慨樓盤，就可以留意嚇樓書。好似近期推售慨上源，發展商萬科喺香港未曾有過獨資項目，對上慨柏傲灣都系同新世界合作，所以可以話系完全無往績參考。

不過咁，一批新馬比賽，喺無往績參考情況下，血統可以系你落注時慨參考資料之一，所講慨血統，就系負責起樓慨承建商。就好似今次賣慨上源，雖然發展商唔會出嚟講系邊個起樓，但只要一打開樓書，其中「賣方及有參與發展項目的其他人的資料」一部份，就會見到「發展項目的承建商」一欄寫住「中國海外房屋工程有限公司」，咁你就可以參考一嚇呢個承建商過往起過慨樓盤喇。

但系呢，筆者都系對事唔對人，所以唔剩只講中資或者新發展商，買大型港資慨樓盤同樣要睇承建商，特別系一啲有多個發展商合作慨項目。

舉個例子，早幾年信和賣白石角天賦海灣，俾人話過好多次質素差，又漏水，地下花園仲好神奇咁沉咗少少，搞到個盤有段時間蝕讓不斷，而同樣由信和發展、同樣位處白石角慨逸瓏灣，質素就好咗好多。實際原因就唔敢肯定，但天賦海灣系合作盤，雖然信和出面賣，但就由南豐負責起樓慨，而逸瓏灣就系信和獨資慨，一手包辦起樓同賣樓，咁系咪反映到承建商對樓盤質素慨影響力?

承建商當然系一個重要參考，但除咗買現樓之外，名牌承建商都唔一定系無死，就等如新鴻基都有失手慨時候啦。

標簽：合作慨項目